Erməniləri Azərbaycan “Dalğa”sı vurdu

Avropa İttifaqının maliyyə dəstəyi ilə həyata keçirilən ən böyük proqramlardan olan və bütün Avropa gənclərini əhatə edən “Youth in Action” (gənclər hərəkətdə) proqramı çərçivəsində bu ay İsveçrədə tədbir keçirilib.

 “Davamlı inkişaf” mövzusunda keçirilən tədbirdə Azərbaycanı Dalğa Gənclər Hərəkatının sədr müavini Həmidə Qiyasbəyli təmsil edib.

Tədbirə Dağlıq Qarabağ ermənilərinin də müstəqil tərəfdaş kimi dəvət olunması Azərbaycan təmsilçisinin etirazına səbəb olub. Bu barədə açıqlama verən Həmidə Qiyasbəyli deyir: “Proqram çərçivəsində Dağlıq Qarabağdan 1, Ermənistan Respublikasından isə 2 gənc iştirak edirdi. Mən təəssüf edirəm ki, Azərbaycanda fəaliyyət göstərən gənclər təşkilatları bu kimi proqramlara maraq göstərmir. Bütün günü çayxanalarda və forumlarda qəhramanlıq şousu göstərən ura-patriotlar bu kimi tədbirlərdə iştirak edib mövqeyimizi sivil şəkildə müdafiə etmədikləri üçün Azərbaycanın maraqları kifayət qədər qorunmur. Mən öz üzərimə düşən məsuliyyəti dərk edirdim və proqramın növbəti tədbirlərdən birinin Azərbaycanda keçirilməsini, Azərbaycanın Dağlıq Qarabağ İcmasının da həmin tədbirdə iştirak etməsini təklif etdim. Uzun sürən müzakirələrdən sonra Dağlaq Qarabağın müstəqil tərəfdaş kimi tanınmasına son verildi. Buna şiddətlə qarşı çıxan və irqçi şüarlar səsləndirən Ermənistan Respublikasının təmsilçiləri ilə də proqram rəhbərləri arasında mübahisə yarandığından Ermənistandan gələn nümayəndələr proqramdan xaric edildi”.

Qeyd edək ki, Həmidə Qiyasbəyli həm də Dağlıq Qarabağ münaqişəsinin sülh yolu ilə həll olunması istiqamətində həyata keçirilən bir çox layihələrdə yer alır. Həmidə xanım təəssüflə bildirdi ki, birlik və həmrəyliyi, o cümlədən hüquq və elmi özünə dəyər seçən bir proqramda Ermənistan tərəfinin irqçi bəyanatlarla çıxış etməsi heç də xoşagələn hal deyil: “Sülhün bərqərar olunması üçün hüquqa və Avropanın da qəbul etdiyi sərhədlərə hörmətlə yanaşılmalıdır. Nə qədər ki, istər Azərbaycandan, istər Ermənistandan hüquqa zidd aktlar həyata keçiriləcək və irqçilik qabardılacaq, biz Avropa ailəsində öz yerimizi tapa bilməyəcəyik”.

Sonda bildirək ki, “Youth in Action” proqarmı çərçivəsində yaxın zamanlarda Bakıda tədbirin keçirilməsi və Dalğa Gənclər Hərəkatının tədbirin təşkilatçısı olması qərara alınıb.

Davamı

Dalğa Gənclər Hərəkatı ictimaiyyətə müraciət etdi

Rafiq Tağının əziz xatirəsini əbədiləşdirmək məqəsdi ilə bir həftə boyunca (20-27 noyabr) hər kəsi üzvü olduğu sosial şəbəkələrdəki profil şəklinə Rafiq Tağının şəklini qoymağa dəvət edirik.

23 noyabr saat 11:00-da Rafiq Tağının məzarı ziyarət olunacaq. Xatırladaq ki, Rafiq Tağı Qurd Qapısı məzarlığında dəfn olunub.   

Bütün Azərbaycan ictimaiyyətinə müraciət edərək, hər kəsi Rafiq Tağının məzarının ziyarət olunmasına dəvət edirik.

Ziyarətdə iştirak etmək istəyənlər saat 11:00-da Elmlər Akademiyası metrostansiyasının girişində toplaşacaqlar.

Hörmətlə,

Dalğa Gənclər Hərəkatın 
İdarə Heyyəti

Davamı

Rafiq Tağı Mükafatının verilmə vaxtı müəyyənləşdi

Ötən il 19 noyabr tarixində maarifçi - publisist Rafiq Tağı naməlum şəxs(lər) tərəfindən hücuma məruz qalmışdı, o, aldığı bıçaq yaralarından 23 noyabr 2012-ci il tarixində xəstəxanada vəfat edib.

Dalğa Gənclər Hərəkatı Azərbaycanda Avropa və ümumbəşəri dəyərlərin yayılması istiqamətində fəaliyyət göstərən Rafiq Tağının əziz xatirəsinə "Rafiq Tağı Mükafatı" təsis edib.

Mükafat ölkədə Avropa və ümumbəşəri dəyərlərin yayılmasına xidmət edən 3 nəfərə veriləcək.

Mükafatın qalibləri son 1 ildə Azərbaycan insanı üçün etdiyi fədakarlıqlara görə müəyyənləşdiriləcək.

Qaliblər aşağıdakı qaydada mükafatlandırılacaq:

Birinci yer – qalibin 1000 tirajla kitabı çap olunacaq

İkinci yer – pul mükafatı

Üçüncü yer – pul mükafatı

23 noyabr 2012-ci il tarixində, saat 15:00-da Dalğa Plazanın 9-cu mərtəbəsındə mükafatın təqdimetmə mərasimi keçiriləcək. Qaliblər mərasim zamanı açıqlanacaq.

Təqdimata KİV və ictimaiyyət nümayəndələri dəvətlidir.

Hörmətlə,
Dalğa Gənclər Hərəkatın
İdarə Heyyəti

Davamı

Dalğa Gənclər Hərəkatın Bəyanatı

Bir ilə yaxın Dalğa Gənclər Hərəkatın üzvü və qısa müddətli Regionlar Üzrə Komissiyanın Rəhbəri olan Fərid Eyyubov, təşkilatın üzvlüyündən uzaqlaşdırılmışdır.

Etik normaları kobud sürətdə pozduğuna görə və hərəkatın üzvlərinə qarşı hörmətsizliklə yanaşdığı üçün, Dalğa Gənclər Hərəkatının üzvu Fərid Eyyubov, hərəkatın nizamnaməsinin 3.9 bəndinə əsasən şiddətli töhmət alıb və Dalğa Gənclər Hərəkatının üzlüyündən uzaqlaşdırılmışdır. 

Dalğa Gənclər Hərəkatı olaraq əməkdaşlıq etdiyimiz təşkilatlara və fərdlərə həmin şəxslə əlaqə yaratmamağı tövsiyyə edirik.

Hörmətlə,
Dalğa Gənclər Hərəkatın İdarə Heyyəti

Davamı

Dalğaçılar "Yeni Müsavata" və "Azadlığa" dəstək oldular

Dalğa Gənclər Hərəkatının üzvləri "Yeni Müsavat" və "Azadlıq" qəzetlərin bu gün gunorta saatlarında baş tutmuş Qasid ASC-nin Nəsimi rayonu «Memar Əcəmi» metro stansiyası yaxınlığında yerləşən ofisinin qarşısında kecirdiyi aksiyasında ishtirak edərək onlara dəstək olublar.

Aksiyanin keçirilməsinin səbəbi , Qasid ASC "Yeni Müsavat" və "Azadlıq" qəzetlərin satışdan əldə etdiyi pulları mənimsəməsi və heç bir açıqlamada bulunmamasıdır. 
Bu gün ölkədə mindən çox kütləvi informasiya vasitəsi qeydiyyatdan keçib lakin onların yalniz bir hissəsi daimi olaraq nəşr olunur , bu siyahıda "Yeni Müsavat" və "Azadlıq" qəzetlərin də adını qeyd etmək mütləqdir. 
Hərəkat olaraq Dalga GH azad mətbuatın inkişafı, iqtisadi müstəqilliyin təmin edilməsi, KIV bazarında müəyyən nöqsanların aradan qaldırılması və sosial vəziyyətin yaxşılaşdırılmasının tərəfdarıdır.

Davamı

Dalğa Gənclər Hərəkatında yeni rəhbər seçildi

10 mart 2012-ci il tarixində qurultay tərəfindən Dalğa Gənclər Hərəkatının sədri seçilmiş və 5 ay fəaliyyət göstərmiş Xanım Yadigarlının istefasından sonra onun səlahiyyətlərini birbaşa olaraq sədrin birinci müavini Kamran Rəşidov yerinə yetirib və 14 oktyabr tarixində Dalğa GH-nın geniş toplantısı zamanı tutduğu vəzifədən istefaya gedib.

Geniş Toplantı tərəfindən növbəti qurultaya qədər Saleh Mehdizadə Sədr əvəzi, Həmidə Qiyasbəyli isə sədrin birinci müavini seçiliblər. Təşkilatın sədr əvəzi və müavini seçildikdən sonra Geniş Toplantı tərəfindən yeni İdarə Heyyəti formalaşdırılıb.

Beynəlxalq Əlaqələr koordinatoru – Fəzilət Səmədsoy.
İctimai Əlaqələr koordinatoru –Fəridə Aşralova.
Media koordinatoru – Rüfət Əlisultanlı.
Təşkilati İşlər üzrə koordinator –Kənan İsmayılov.
Maliyyə koordinatoru – Mirheydər Məmmədov .
Gender koordinatoru –Fəridə Aşralova.

İdeoloqiya Koordinatoru - Cavad Nəsirov
MNTK – Səbadə Behbudova (sədr)
MNTK-nın məsul şəxsləri –Kənan Rəfiyev və Babək Əliyev.
Regionlar üzrə komissiyanın rəhbəri –Fərid Eyyubov.

Davamı

“Dalğa”çılardan seçki aksiyası

“Dalğa” Gənclər Hərəkatı oktyabrın 9-u “səsimiz zibil deyil” adlı aksiya keçirib. Aksiya günün müxtəlif saatlarında hərəkatın üzvlərindən ibarət mobil qruplar tərəfindən həyata keçirilib.

Aksiyada “Dalğa”çılar Bakının bir çox yerində zibil qablarının üzərinə “seçki qutusu” yazıblar. Bununla da hərəkat üzvləri həm seçki saxtakarlıqlarına qarşı etiraz ediblər, həm də vətəndaşları seçkilər zamanı səslərinə sahib çıxmağa çağırıblar.

Aksiya Torqovu küçəsi, Nizami küçəsi, Sahil bağı, Malakan bağı, 28 may metrosu, İçerişəhər metrosu, 5 mərtəbə, Nizami metrosu, Gənclik metrosu, Heydər Əliyev prospekti, Nərimanov metrosu, Elimlər metrosu, İnşaatçılar metrosu, Hüseyn Cavid bağı, Fəxri Xiyaban, Nərimanov heykəli, Dostluq kinotetrı, Rus-Turkiyə səfirliyi ərazisini əhatə edib. Yürüş “Səsimiz zibil deyil, seçki qutusu zibil qabı olsa belə” şüarı altında keçirilib.

 VİDEO

Əlavə +

Oktyabrın 13çü dünya məşhur olan "Esquire" jurnalın 920 000 minlik vkontakte.ru səhifəsində aksiyanın foto şəkili yayımlanmışdı.

 
 

Davamı

Dalğa Gənclər Hərəkatı "Rafiq Tağı" Mükafatı təsis edib

“Azərbaycanın Demokratik Respublikasının qurulmasında XX əsrin əvvəllərindən başlayan maarifçilik hərəkatının böyük rolu olub. Bu hərəkatın əsas simalarından olan M. F. Axundzadə, Cəlil Məmmədquluzadə, Mirzə Ələkbər Sabir və digər mütəfəkkirlər, həmçinin “Əkinçi”, “Molla Nəsrəddin” “Füyuzat” mətbu orqanları insanların maarifləndirilməsində, o cümlədən cahilliyin və xurafatın aradan qaldırılması istiqamətində müstəsna xidmətlər göstəriblər.

Biz Dalğa Gənclər Hərəkatı olaraq hesab edirik ki, o dövrün maarifçilərinin gördüyü işlər bu gün də bir çox şəxslər tərəfindən davam etdirilir. Əfsuslar olsun ki, XX əsrin əvvəllərində mövcud olan problemlər dövrümüzdə də həll olunmayaraq qalır. Bu isə Azərbaycan insanının intellektual inkişafı üçün Rafiq Tağı kimi mütəfəkkirlərin yaradıcılığını labüd edir. Biz əminik ki, Rafiq Tağıya qarşı edilən sui – qəsd Azərbaycanın feodal dövlət olmasında maraqlı olan qüvvələr tərəfindən həyata keçirilib.

Rafiq Tağı Azərbaycan ədəbiyyatında öz hekayələri və publisistik yazıları ilə böyük işlər görüb. Onun cəmiyyətin maariflənməsi istiqamətində gördüyü işlər Azərbaycan insanın inkişafında, ölkədə ümumbəşəri dəyərlərin yayılmasında müstəsna rol oynayıb.

Rafiq Tağının ölümündən bir ilə yaxın vaxt keçməsinə baxmayaraq, ona qarşı sui – qəsdi təşkil edən şəxs(lər)in hələ də tapılıb cəzalandırılmaması bizi narahat edən məsələlərdəndir.

Yuxarıda qeyd olunanları nəzərə alaraq, Dalğa Gənclər Hərəkatı Rafiq Tağının əziz xatirəsinə ithafən “Rafiq Tağı Mükafatı” təsis edir. Mükafat hər il Rafiq Tağının vəfat etdiyi gündə, hazırda Azərbaycanda maarifçilik istiqamətində fəaliyyət göstərən, ölkədə Avropa və ümumbəşəri dəyərlərin yayılmasına xidmət edən 3 nəfərə veriləcək.

Mükafatın qalibləri son 1 ildə Azərbaycan insanı üçün etdiyi fədakarlıqlara görə müəyyənləşdiriləcək.

Qaliblər aşağıdakı qaydada mükafatlandırılacaq:

Birinci yer – qalibin 1000 tirajla kitabı çap olunacaq

İkinci yer – pul mükafatı

Üçüncü yer – pul mükafatı

Qaliblər Dalğa Gənclər Hərəkatının İdarə Heyəti Tərəfindən seçiləcək”.

Qeyd edək ki, Rafiq Tağı keçən il 19 noyabr tarixində naməlum şəxs(lər) tərəfindən hücuma məruz qalmışdı, o, aldığı bıçaq yaralarından 23 noyabr tarixində xəstaxanada vəfat edib.

Davamı

Bir Nidaçı üçün " ! "

"NİDA Vətəndaş Hərəkatının idarə heyyətinin üzvü Zaur Qurbanlı Sentyabırın 29zu səhər saatlarında evinin qarşısında bir qrup mülki geyimli şəxs tərəfindən saxlanılmış, daha sonra evində axtarış aparılmışdır.

Eyni vaxtda Müsbət Dəyişiklik Gənclər Hərəkatının ofisinə də bir neçə mülki geyimli şəxs gələrək axtarış aparmağa başlayıblar. Gələnlər özlərini Daxili İşlər Nazirliyi Baş Mütəşəkkil Cinayətkarlığa Qarşı Mübarizə İdarəsinin əməkdaşları kimi təqdim ediblər.  Axtarış zamanı MDGH-ın ofisində NİDA-a məxsus olan çap məhsulları  tapılmışdır. Daha sonra ofisə gətirilən Zaur Qurbanlının iştirakı ilə video çəkliş aparılmış və kamera qarşısında broşuraların NİDA-a aid olması  təsdiqlətdirilmişdir. Daha sonra Zaur Qurbanlı qeyri-müəyyən yerə aparılmışdır. Fərqli mənbələrdən Zaurun saxlandığı yer barədə məlumat verilirdi. Əvvəl  Yasamal Rayon Polis İdarəsi, daha sonra Baş Mütəşəkkil Cinayətkarlığa Qarşı Mübarizə İdarəsi və Yasamal Rayon Məhkəməsi, lakin indiyənə qədər orqanların heç birisi bu məlumatı tıstiqləndirmiyib. Daxili İşlər Nazirliyinin mətbuat xidmətinə Zaurun yerinin müəyyənləşdirilməsi ilə bağlı heç bir cavab verməyib. Bakı Şəhər Prokurorluğu və Ombudsman Aparatının qaynar xəttinə edilən zənglər cavabsız qalmışdır.

Hadisə zamanı MDGH-ın ofisində olan şahidlərdən biri Zaur Qurbanlını aparan mülki geyimlilərdən birini Baş Mütəşəkkil Cinayətkarlığa Qarşı Mübarizə İdarəsinin qarşısında gördü. Buna görə belə güman edilir ki, Zaur Qurbanlı hazırda Baş Mütəşəkkil Cinayətkarlığa Qarşı Mübarizə İdarəsində saxlanılır."

Artıq 24 saatdan çoxdur ki  Zaur Qurbanlının saxladığı yer barədə dəqiq heç bir orqan tərəfindən məlumat verilməyib, buna görə də biz, Dalğa Gənclər Hərəkatı bəyan edirik ki, bu həbsi qətiyyətlə pisləyirik və müvafiq qurumlardan Zaur Qurbanlının tezliklə azad edilməsini tələb edirik.

Əks təqdirdə biz adı çəkilən qurumların Azərbaycan Respublikasının Konstitusiyasına qarşı etinasızlığı, söz və ifadə azadlığına hörmətlə yanaşmaması və həmin hadisəni adam oğurlanması kimi qiymətləndirəcəyik. Hərəkat olaraq haqqın öz yerini tapması üçün bütün resurslarımızı səfərbər edib, Azərbaycan Respublikasının konstitutsiyasına əsaslanaraq, insan hüquq və azadlıqlarının eləcə də söz və ifadə azadlığının müdafiəsi yolunda vətəndaşlıq vəzifəmizi yerinə yetirəcəyik!

Dalğa Gənclər Hərəkatı artıq bu məsələ ilə bağlı ATƏTin Baki Ofisin əməkdaşları ilə ələqə saxlayıb.

Davamı

Dalğa Gənclər Hərəkatının sədri ilə bağlı rəsmi məlumat

Dalğa Gənclər Hərəkatının sədri Xanım Yadigarlının səhhətindən problemlər aşkarlanıb. Belə ki, Azərbaycanda keçdiyi diaqonistik müayinələr zamanı onun ağır xəstəlikdən əziyyət çəkdiyi və xarici ölkələrin birində müalicə olunmasına ehtiyac olduğu müəyyənləşdirilib. 

Həkimlərin verdiyi məlumata görə, Xanim Yadigarlının müalicəsi bir neçə ay davam edə, müalicə effektli olmadığı təqdirdə o əməaliyyat da oluna bilər. Əməliyyatdan sonra isə ən azı 1 ay həkim nəzarəti altında yaşayacaq. Bütün bunları nəzər alaraq 29 iyul 2012-ci ildə Dalğa GH-nin İdarə Heyətinin toplantısında onun səlahiyyətləri müvəqqəti olaraq birinci müavini Kamran Rəşidova həvalə olunub.
Qeyd edək ki, hazırda Xanim Yadigarlının durumu ilə bağlı hər hansı məlumata sahib deyilik. Yaxın 1 həftə ərzində onun durumu haqqında daha geniş məlumat əldə ediləcək və bundan sonra onun vəzifəsini icra edə bilib bilməyəcəyi ilə bağlı qərar veriləcək. Əgər o vəzifəsini icra edə bilməzsə, bu zaman hərəkatın nizamnaməsinə uyğun olaraq geniş toplantı tərəfindən sədr əvəzi seçiləcək.
Biz Dalğa Gənclər Hərəkatının üzvləri olaraq Xanım Yadigarlıya şəfa diləyir, tezliklə sağalmasını arzu edirik!

Davamı

Dalga Youth Movement participated in London 2012 'Beach Football' championship

London 2012 ‘Beach Football’ has been held among Youth Organisations.

On 15 July, the British Embassy together with its partners – Azerbaijan’s National Olympic and Paralympic Committees and Azerbaijan Youth Foundation under the Ministry of Youth and Sport organised an informal Beach Football Tournament among eight youth organisations (Positive Change, Azerbaijan-Britain Graduates Union, Ireli, Youth Club, OL, Azerbaijani  Youth European Integration, Dalga, European Movement) in Azerbaijan.

The aim of the event was support Azerbaijani athletes at London 2012 Games which will kick off on 27 July.

Four top teams (named after Azerbaijani athletes – Ilham Zakiyev, Farida Azizova, Rovshan Bayramov, Zinat Valiyeva) each consisting of youth organisations compete over the one day event. The winner of the event was Team ‘Rovhsan Bayramov’.

London 2012 "Çimərlik Futbolu" Gənclər Təşkilatları arasında keçirilmişdir. 

Iyulun 15, Böyük Britaniya səfirliyi partnyorları ilə birlikdə - Azərbaycan Milli Olimpiya və Paralimpiya Komitələri və  Gənclər və İdman Nazirliyi dəstəklədiyi  Azərbaycan Gənclər Fondu ilə səkkiz gənclər təşkilatları (Müsbət Dəyişiklik, Azərbaycan-Britaniya Məzunların Birliyi, İrəli İB, OL, Gənclər Klubu, Azərbaycan Gənclərinin Avrointeqrasiyası, Dalğa GH, Avropa Hərəkatı) arasında rəsmi Çimərlik Futbol turniri təşkil etmişdir.

Tədbirin məqsədi iyulun 27-də keçirilən London 2012 Oyunlarda Azərbaycan idmançıları dəstəkləmək idi.

Azərbaycan idmançıların adına olan dörd baş komanda (İlham Zəkiyev, Fəridə Əzizova, Rövşən Bayramov, Zinat Vəliyeva) gənclər təşkilatlarından ibarət bir günün ərzində rəqabət aparırdılar. Tədbirin qalib komandası "Rovhsan Bayramov" oldu.

Davamı

Dalğa Gənclər Hərəkatı İranın Azərbaycandakı səfirliyi qarşısında etiraz aksiyası keçirib

Aksiyada 15-dən çox hərəkat üzvü iştirak edib. Aksiyanı keçirməkdə məqsəd aprelin 29-da Təbrizdə Güney Azərbaycan Yazarlar Ocağının təşkil etdiyi poeziya festivalında iştirak etmək üçün İrana dəvət olunan və mayın 2-də həbs olunan iki həmyerlimizin – gənc şairlər Fərid Hüseyn və Şəhriyar Hacızadənin həbsini qəti şəkildə pisləmək və onlar haqqında hər hansı rəsmi ittiham olmadığı təqdirdə qeyri-şərtsiz olaraq azadlığa buraxılması istiqamətində İran hökümətinin müvafiq addımlar atmasını tələb etmək olub.

Gənclər “Şair molladan yaxşıdır” “Şər atmaq imandan gəlir?” şüarları ilə öz etirazlarını çatdırıblar. Aksiya insidentsiz ötüşüb və polis müdaxiləsi qeydə alınmayıb

Sonda aksiya iştirakçıları aksiyanın bəyanatını səsləndiriblər.

Davamı

“Dalğa”çılar Elçibəyi andılar

Məlum olduğu kimi bu gün, 24 iyun 2012-ci il Azərbaycan Xalq Hərəkatının lideri, eks-Prezident Əbülfəz Elçibəyin doğum günüdür. Bu məqsədlə Dalğa Gənclər Hərəkatının üzvləri eks Prezidentin fəxri xiyabanda yerləşən məzarını ziyarət ediblər.

Hərəkat üzvləri Elçibəyin məzarı önündə keçirdikləri anım mərasiminə Azərbaycan Respublikasının himni ilə başlayıblar. Daha sonra Hərəkat üzvlərindən bir neçəsi çıxış edərək anım mərasiminə toplaşan gənclərə Elçibəyin fəaliyyəti haqqında məlumat veriblər. Bundan əlavə dalğaçılar əllərində “Eks-Prezident doğum günün mübarək” , “Bu Bəyin taleyidir – 24.06.1938” şüarlarını təqdim etdilər.

Qeyd edək ki, Dalğa Gənclər Hərəkatı 2 il bundan əvvəl mərhum Prezident Əbülfəz Elçibəyə “Eks Prezident”lik statusu verib. 3 gün bundan əvvəl isə Azərbaycan Respublikasının prezidenti İlham Əliyev Azərbaycan Respublikası Milli Məclisinin eks Prezidentlik haqqında qanununu təsdiqləyib və Elçibəyə rəsmən eks Prezidentlik statusu verilib.

 

Davamı

Dalğaya "hacker" hücumları davam edir!

May və İyun ayları ərzində Dalğa Gənclər Hərəkatının emaillarına, naməlum şəxslər tərəfindən, daimi virus hücumları cəhdi müşahidə olunub.
Mayın 28-də isə Dalğa Gənclər Hərəkatın 2 e-mailı və blogspot akauntu sındırılmışdır.
Bütün akauntlar bərpa olunmuşdur və daha güclü müdafiyə sistemi quraşdırılmışdır.Bu günə qədər hər gün müxtəlif şəxslər tərəfindən viruslar emailimizə göndərilməkdədir. 20.06.2012 tarixində yenidən blog və saytımıza hacker hücumları olub.Bu səbəbdən Dalğa Gənclər Hərəkatı olaraq bəyan edirik ki, həmin elktron poçtlardan göndərilən məktublara görə Dalğa Gənclər Hərəkatı məsuliyyət daşımır. Əgər həmin poçtlardan kimlərinsə elektron ünvanına məktub daxil olarsa, xahiş edirik ki, bu barədə Dalğa GH rəhbərliyinə məlumat verilsin.

Davamı

"Qanvermə aksiyası" və donor Dalğaçılar.

14 iyun tarixində Hilton otelində 14 iyun “Ümumdünya Qan Donoru” günü münasibəti ilə irsi qan xəstəliklərindən əziyyət çəkən uşaqlar üçün könüllü qanvermə aksiyası keçirilmişdir. Aksiya Qan Donorları Assosiasiyası tərəfindən təşkil olunmuşdur. Səhiyyə Nazirliyi Mərkəzi Qan Bankının mobil işçi qrupu tərəfindən həyata keçirilmişdir.
Qeyd edək ki, Ümumdünya Səhiyyə təşkilatının 2005-ci ilin may ayında qəbul etdiyi bəyannaməyə əsasən 14 iyun tarixinin “Ümumdünya Qan Donoru” günü kimi qeyd olunması qərara alınmışdır.

Şəkildə Dalğa Gənclər Hərəkatın üzvləri qan vermədən sonra.

Davamı

Söz və ifadə azadlığının müdafiəsi yolunda sonacan döyüşəcəyik

Biz Dalğa Gənclər Hərəkatı 12 iyun 2012-ci ildə qondarma ittihamla saxlanılan Reportyorların Azadlıq və Təhlükəsizlik İnstitutunun (RATİ) əməkdaşı Mehman Hüseynovun həbsini qəti şəkildə pisləyirik.Hesab edirik ki, bu hadisə Azərbaycanda mətbuat və söz azadlığına ciddi zərbədir.Bu olay ətrafında bütün ictimai aktiv gəncləri və əsasəndə media işçilərini həmrəy olmağa çağırırıq.

Dalğa Gənclər Hərəkatı olaraq daim plüralizmin keşiyində durmuşuq və azadlığa qarşı olan və ya onu məhdudlaşdıran hər hansı bir qərarlara yenidən baxılmasını tələb edirik.Ümid edirik ki, məhkəmə absurd ittihamla saxlanılan gənc foto-bloggerin azad olunması barədə ədalətli qərar çıxaracaq. Əks təqdirdə, biz hərəkat olaraq haqqın öz yerini tapması üçün bütün resurslarımızı səfərbər edib, Azərbaycan Respublikasının konstitutsiyasına əsaslanaraq, insan hüquq və azadlıqlarının eləcə də söz və ifadə azadlığının müdafiəsi yolunda vətəndaşlıq vəzifəmizi yerinə yetirəcəyik.

Hörmətlə,

Xanım Yadigarlı

Dalğa Gənclər Hərəkatının Sədri

Davamı

Gənclər kubokuna start verildi.

Azərbaycan Respublikası Gənclər və İdman Nazirliyi, Azərbaycan Futbol Federasiya Assosiyasiyaları (AFFA),  ADİDAS və “İRƏLİ” İdman Mərkəzi Azərbaycanda gənclərarası futbol üzrə ilk “Gənclər Kuboku” turnirinə start verib. 
11 iyun tarixində AFFA-nın Futbol Akademiyasında qeydiyyatdan keçən 32 komandalar arasında Dalğa Gənclər Hərəkatı da iştirak edti. 32 komandanın iştirak edəcəyi turnirin startı iyunun 14-də veriləcək. Turnirin ilk mərhələsində komandalar olimpiya sistemi, daha sonra qrup turnirində mübarizə aparacaqlar. “Gənclər Kuboku”nun final görüşü 8 iyul tarixində keçiriləcək və turnirin qalibləri kubok, medallar, diplom və qiymətli hədiyyələrlə təltif olunacaqlar.
Layihənin keçirilməsində əsas məqsəd gənclər arasında idmanın inkişafı, sağlam həyat tərzinin təbliği  və bu sahəyə marağı olan gəncləri bir araya gətirməkdir. Xatırladaq ki, bütün oyunlar AFFA-nın Futbol Akademiyasının meydançasında keçiriləcək. 


-Komandamıza uğurlar arzulayırıq.

Sevqi ilə idarə heyyəti.

Davamı

"Uşaqlara qayğı ilə" flashmobu.

Dalğa Gənclər Hərəkatı “Uşaqlara qayğı ilə” həftəsi çərçivəsində flashmob keçirib. Flashmob Bakının mərkəzi küçələrindən birində olub. Flashmobda 20-dən artıq “Dalğaçı” iştirak edib. Flashmob zamanı uşaqlara müxtəlif şiriniyyatlar, şarlar paylanıb. Flashmobda uşaqlara aid aksesuarlardan istifadə olunub. Qeyd edək ki, flashmona heç bir polis müdaxiləsi olmayıb. Flashmob uğurla başa çatıb.

Davamı

Dalğa Gənclər Hərəkatı - "Uşaqlara qayğı ilə"

31  may 2012-ci il Dalğa Gənclər Hərəkatının İdarə Heyətinin qərarına əsasən, “ Uşaqlara qayğı ilə” həftəsi çərçivəsində  Dalğa GH-nın təşkilatçılığı ilə Səhiyyə Nazirliyinə məktub ünvanlanacaq, müxtəlif tədbirlər, flashmoblar  keçiriləcəkdir.

“Uşaqlara qayğı ilə” həftəsi  1-7 iyun tarixlərində nəzərdə tutulub. İştirak üçün hər kəs dəvətlidir.Tədbirlərin keçirilməsi elanları Dalğa Gənclər Hərəkatının rəsmi internet səhifəsində (www.dgh.az) və "Facebook" sosial şəbəkəsindəki rəsmi səhifəsində yayımlanacaq.

Hörmətlə,

Xanım Yadigarlı

Dalğa Gənclər Hərəkatının  Sədri

Davamı

Dalğa Gənclər hərəkatı “ADR həftəsi” çərçivəsində “Demokratiya yürüşü” keçirib.

 Çox sayda Dalğaçının iştirak etdiyi yürüş Nizami küçəsindən Rəsulzadə bağına qədər davam edib.

Qeyd edək ki, yürüşə polis müdaxiləsi olsa da tutulan və ya saxlanılan olmayıb.

Yürüş zamanı hərəkat üzvləri Azərbaycan və Dalğa Gənclər hərəkatın himnini ifa ediblər.

Şəkillər İRFS (c)

Davamı